काठमाडौं । साताको दोस्रो कारोबार दिन दुई कम्पनीको सेयर मूल्यमा उच्च गिरावट आएको छ ।
उक्त दिन हिमालयन पावर पार्टनर र बलेफी हाइड्रोपावर कम्पनीको सेयर मूल्य उच्च दरमा घटेको हो ।
मंगलबार हिमालयन पावरको सेयर मूल्य ९.९९ प्रतिशत अर्थात प्रतिकित्ता ३८ रुपैयाँ २० पैसाले घटेको हो । योसंगै आज कम्पनीको सेयर मूल्य ३३४ रुपैयाँ ३० पैसा कायम भएको छ ।
यस्तै, आज बलेफी हाइड्रोपावरको सेयर मूल्य पनि उच्च दरमा घटेको छ । कम्पनीको सेयर मूल्य ८.१५ प्रतिशत अर्थात प्रतिकित्ता २४ रुपैयाँ ३० पैसाले घटेर २७४ रुपैयाँ कायम भएको छ।
त्यसैगरि आज सगरमाथा इन्स्योरेन्स कम्पनीको ६.५१ प्रतिशत, ग्रिन भेन्चर्सको ६.४५, गणपति लघुवित्तको ६.२४ प्रतिशतले सेयर मूल्य घटेको छ ।
वि.सं.२०७९ जेठ ३१ मंगलवार १५:३३ मा प्रकाशित