काठमाडौं । मर्जर प्रस्ताव पारितका लागि दुई कम्पनीले विशेष साधारण सभा डाकेका छन् ।
रिडी हाइड्रोपावर डेभलपमेन्ट कम्पनी लिमिटेड र रैराङ हाइड्रोपावर डेभलपमेन्ट कम्पनी लिमिटेड एकआपसमा मर्जरमा जाने भएपछि विशेष साधारण सभा बोलाएका हुन् ।
सो मर्जर सम्बन्धि प्रस्ताव पारित गर्न दुवै कम्पनीले असार १७ गते विशेष साधारण सभा आह्वान गरेको छ । सोही सभाबाट प्राप्तिगर्ने प्रस्ताव अनुमोदन भएपश्चात् दुवै कम्पनीको मर्जर प्रक्रिया अघि बढ्नेछ ।
रैराङ हाइड्रोपावरको चुक्तापुँजी ५६ करोड रुपैयाँ रहेको छ भने रिडी हाइड्रोपावरको चुक्तापुँजी ५८ करोड ५५ लाख ५८ हजार रुपैयाँ रहेको छ । रिडी हाइड्रोपावरले रैराङ हाइड्रोपावरलाई प्राप्ति गरेपछि बन्ने कम्पनीको चुक्तापुँजी १ अर्ब १४ करोड ५५ लाख रुपैयाँ पुग्नेछ ।
वि.सं.२०७९ असार २ बिहीवार १३:२६ मा प्रकाशित
