काठमाडौं । नेप्सेले साताको ६ दिन नेप्से कारोबार हुने औपचारिक सूचना प्रकाशित गरेको छ । नेप्सेले आज एक सूचना प्रकाशित गर्दै आइतबार देखि शुक्रबारसम्म शेयरबजार कारोबार संचालन हुने जनाएको हो ।
यसअघि नेपाल सरकारले जेठदेखि लागुहुनेगरी आइतबार सार्वजनिक विदा गर्ने घोषणा गरेकोमा नेपाल धितोपत्र बोर्डले शेयर कारोबार आइतबार बन्द गरी शुक्रबार संचालन गर्ने निर्णय गरेको थियो ।
सरकारले सो आइतबारको सार्वजनिक विदालाई असारदेखि लागू हुनेगरी खारेज गरेसँगै धितोपत्र बोर्डले पनि आइतबार पुनः कारोबार संचालन गरी शेयरलगानीकर्ताहरुको मागलाई सम्बोधन गर्दै शुक्रबार समेत शेयरबजार कारोबार संचालन गर्ने निर्णय गरेको हो ।
नेप्सेको निर्णयअनुसार असार १ गतेदेखि लागूहुनेगरी धितोपत्र दोस्रो बजार आइतबारदेखि बिहिबारसम्म ११ बजेदेखि ३ बजेसम्म र शुक्रबार ११ बजेदेखि १ बजेसम्म संचालन हुनेछ ।
वि.सं.२०७९ असार २ बिहीवार १३:३८ मा प्रकाशित