काठमाडौं । विश्व बैंकले ‘डिजिटल नेपाल एक्सेलेरेसन परियोजनाका लागि नेपाललाई १७ अर्ब रुपैयाँबराबरको आर्थिक सहयोग उपलब्ध गराउने भएको छ।
विश्व बैंकका कार्यकारी निर्देशकले बिहीबार एक कार्यक्रमबीच उक्त आर्थिक सहयोग स्वीकृत गरेका हुन्।
यस परियोजनाले नेपाल सरकारले सन् २०१९ मा ल्याएको डिजिटल नेपाल फ्रेमवर्कको कार्यान्वयनमा सहयोग गर्नेछ । परियोजनाले विशेषगरी ग्रामीण क्षेत्रका मानिस र व्यवसायहरुलाई उच्च गुणस्तरीय ब्रोडब्यान्ड सेवाहरुमा सहज पहुँचका लागि सहयोग पुर्याउने विश्व बैंकले जनाएको छ ।
परियोजनाले डिजिटल सीप विकास तालिममार्फत करिब १ हजार ५०० जनालाई रोजगारीको अवसर सिर्जना गर्ने पनि विश्व बैंकको भनाई ।
वि.सं.२०७९ असार ३ शुक्रवार १३:०३ मा प्रकाशित