काठमाडौं । प्रहरी प्रधान कार्यालय केन्द्रीय अनुसन्धान ब्यूरोले संरक्षित वन्यजन्तुको आखेटोपहार बिक्री गर्ने समूहलाई पक्राउ गरेको छ ।
प्रहरीले धादिङ जिल्ला, खनियाबास गा.पा वडा नं.२ का खार्पा तामाङ, गंगा जमुना गा.पा वडा नं ६ का सुकबहादुर घले र सोही गा.पा वडा नं ६का सुर्यबहादुर घलेलाई पक्राउ गरेको हो ।
ब्यूरोबाट खटिई गएको प्रहरी टोलीले काठमाडौं टोखा नगरपालिका गोंगबुचोक नजिकै गणेश स्थानबाट गोंगबु चोकतर्फ आउदै गरेको अपरिचित व्यक्तिहरुले शंकास्पद गतिविधि गरेको अवस्थामा उनीहरुलाई पक्राउ गरेका हो ।
उनीहरुलाई पक्राउ गरि बरामद सामान सहित आवश्यक करवाहीको लागि डिभिजन वन कार्यालय हात्तीसार, काठमाडौं पठाईएको प्रहरीले जनाएको छ।
वि.सं.२०७९ असार ३ शुक्रवार १५:१६ मा प्रकाशित
