काठमाडौं । दोर्दी खोला जलविद्युत कम्पनीको आइपीओ बाँडफाँडका लागि मिति तय भएको छ । कम्पनीको आईपीओ भोलि अर्थात असार ८ गते बुधवार बाँडफाँड हुने भएको हो ।
बिक्री प्रबन्धक सिद्धार्थ क्यापिटलका अनुसार भोलि बिहान ९ बजे आफ्नै कार्यालय नारायण नक्साल काठमाडौंमा बाँडफाँड हुने भएको हो ।
कम्पनीले जेठ २६ गतेदेखि जेठ ३१ गतेसम्म प्रतिकित्ता १०० अंकित दरका २१ लाख ९५ हजार ५०९ कित्ता साधारण शेयर निष्काशन तथा बिक्री खुला गरेको हो । जसमध्ये ३ प्रतिशत अर्थात ६५ हजार ८६५ कित्ता शेयर कम्पनीका कर्मचारीहरुका लागि, ५ प्रतिशत अर्थात १ लाख ९ हजार ७७५ कित्ता शेयर सामूहिक लगानी कोषहरुका लागि र बाँकी २० लाख १९ हजार ८३९ कित्ता शेयर सर्वसाधारण लगानीकर्ताका लागि छुट्याएको थियो ।
कम्पनीको आईपीओमा अन्तिम दिनसम्म कुल १५ लाख ६४ हजार ५२२ जनाले १ करोड ७९ लाख ३३ हजार ७० कित्ताका बराबरको कुल १ अर्ब ७९ करोड ३३ लाख ७ हजार रुपैयाँ बरारको आवेदन परेको थियो ।
जसमा २ लाख १ हजार ९८६ जनाले मात्र सेयर पाउँने छन् भने १३ लाख ६२ हजार ५३६ जनाको हात खाली हुने भएको छ ।
वि.सं.२०७९ असार ७ मंगलवार १२:५७ मा प्रकाशित