काठमाडौं । नेष्डो समृद्ध लघुवित्त वित्तीय संस्थाले साधारण सभा बोलाएको छ । कम्पनीले आउँदो असार ३१ गते सभा गर्ने भएको हो ।
कम्पनीको असार ९ गतेको सञ्चालक समितिको बैठकले कम्पनीको केन्द्रिय कार्यालय कुश्मा, पर्वतमा दिउसो १ बजे सभा गर्ने निर्णय गरेको हो ।
सभाले गत आर्थिक वर्ष २०७७/७८ सम्मको वार्षिक प्रतिवेदन सहितका वित्तीय विवरणहरू पारित गर्नेछ । सोही सभाले चालु आवको लागि लेखापरिक्षक नियुक्ती र निजको पारिश्रमिक निर्धारण समेत गर्नेछ ।
सभाले अन्य कुनै लघुवित्तसँग मर्जर तथा प्राप्तिमा जान आवश्यक भएमा त्यसको सम्पूर्ण जिम्मेवारी सञ्चालक समितिलाई अख्तियारी प्रदान गर्नेछ ।
साथै स्वतन्त्र सञ्चालकको नियुक्ती अनुमोदन र दुई सञ्चालकहरूको निर्वाचनको कार्यक्रम समेत सभाका लागि तय भएको छ ।
नेपाल राष्ट्र बैंकको स्वीकृति लिई डिजिटल बैंकिङ्ग सम्बन्धी कार्य गर्ने तयारी गरेको कम्पनीले अध्यक्ष तथा सञ्चालकको बैठक भक्ता तथा अन्य सुविधाहरू एवम् दैनिक कार्य सञ्चालनमा कार्यकारी प्रमुखको पारिश्रमिक तथा अन्य सुविधा वृद्धि लगायतका विषय पनि सभामा छलफल हुनेछ ।
साधारण सभा प्रयोजनका लागि कम्पनीले असार २३ गतेदेखि सभा हुने दिनसम्म बुक क्लोज गर्ने भएको छ ।
वि.सं.२०७९ असार १० शुक्रवार ११:२६ मा प्रकाशित
