काठमाडौं । न्यादी हाइड्रोपावर कम्पनीको सेयर मूल्यमा उछाल आएको छ । यति बेला कम्पनीको सेयर मूल्यमा सकरात्मक सर्किट लागेको हो ।
यो समाचार तयार गर्ने बेलासम्म कम्पनीको सेयर मूल्य १० प्रतिशत अर्थात प्रतिकित्ता ३० रुपैयाँले वृद्धि भएको हो । योसंगै कम्पनीको सेयर मूल्य ३३० रुपैयाँ १० पैसा कायम भएको छ ।
यस्तै, यति बेला हिमालयन पावर पार्टनरको सेयर मूल्य पनि उच्च दरमा वृद्धि भएको छ । कम्पनीको सेयर मूल्य ८.२६ प्रतिशत अर्थात प्रतिकित्ता २५ रुपैयाँ ८० पैसाले बढेको हो ।
त्यसैगरि यति बेला नागरिक लगानी कोषको सेयर मूल्य पनि ८.२५ प्रतिशतले बढेको छ । कम्पनीको सेयर मूल्य प्रतिकित्ता २ सय रुपैयाँ ३० पैसाले वृद्धि भई २ हजार ६२८ रुपैयाँ कायम भएको छ ।
वि.सं.२०७९ असार १३ सोमवार १२:२६ मा प्रकाशित