काठमाडौं । काठमाडौं उपत्यका अपराध अनुसन्धान कार्यालय (सिआईबी)ले बैंकिङ्ग कसूर मुद्दामा फरार रहेका व्यक्तिलाई पक्राउ गरेको छ ।
प्रहरीले रामेछाप जिल्ला,सुनपाती गा.पा.वडा नं.४ स्थायी वतन भई हाल काठमाडौं जिल्ला गोकर्णेश्वर न.पा.वडा नं.६ जोरपाटी बस्ने बिनोद लामा भन्ने बिनोद घिसिङलाई पक्राउ गरेको हो ।
उच्च अदालत पाटनले निजलाई बैकिङ्ग कसुरका ३ थान मुद्दाहरुमा २०७८ पुस २७ गते बैंकिङ् कसूर तथा सजाय ऐन २०६४ बमोजिम १ करोड २ लाख ५० हजार जरिवाना र २१ दिन कैद सजाय सुनाएको थियो । त्यस यता उनी फरार रहेका थिए ।
निजलाई आज असार १४ गते गोकर्णेश्वर काठमाडौंबाट, पक्राउ गरि थप अनुसन्धानका लागि जिल्ला अदालत काठमाडौमा उपस्थित गराईएको हो ।
वि.सं.२०७९ असार १४ मंगलवार १३:०४ मा प्रकाशित