काठमाडौं । काठमाडौं उपत्यका अपराध अनुसन्धान ब्यूरो (सिआईबी)ले बैंकिङ्ग कसूर मुद्दामा फरार रहेका व्यक्तिलाई पक्राउ गरेको छ ।
प्रहरीले चितवन जिल्ला ,शिवनगर गा.वि.स.वडा नं.८ स्थायी ठेगाना भई हाल काठमाडौं जिल्ला का.म.न.पा.वडा नं.२ बस्ने बर्ष ४१ की बबिता पन्त पौडेललाई पक्राउ गरेको हो ।
उच्च अदालत पाटनले निजलाई जनरल फाइनान्स लिमिटेडको कर्जा दुरुपयोग गरी जानी जानी अनुचित लाभ लिई कर्जा दिई वैकिङ् श्रोत,साधन र सम्पतिको दुरुपयोग हुने गरी कर्जा प्रवाह गरेको ठहर गर्दै बैकिङ्ग कसुरका मुद्दामा २०७१ पुस २९ गते बैंकिङ् कसूर तथा सजाय ऐन २०६४ बमोजिम १० लाख जरिवाना र १ महिना कैद सजाय सुनाएको थियो । त्यस यता उनी फरार रहेकी थिइन्।
निजलाई असार १४ गते सिनामंगल काठमाडौंबाट, पक्राउ गरि थप अनुसन्धानका लागि जिल्ला अदालत काठमाडौमा उपस्थित गराईएको हो ।
वि.सं.२०७९ असार १५ बुधवार १३:५० मा प्रकाशित
