काठमाडौं । काठमाडौं उपत्यका अपराध अनुसन्धान ब्यूरो (सिआईबी)ले बैंकिङ्ग कसूर मुद्दामा फरार रहेका व्यक्तिलाई पक्राउ गरेको छ ।
प्रहरीले रामेछाप जिल्ला, खाँडादेवी गा.पा. वडा नं. ५ घर भई हाल काठमाडौं जिल्ला, गोकर्णेश्वर न.पा. वडा नं. ८ बस्ने विष्णु माया योन्जनलाई पक्राउ गरेको हो ।
उच्च अदालत पाटनले निजलाई २०७९ जेठ २७ गते बैंकिङ् कसूर तथा सजाय ऐन २०६४ बमोजिम ७ लाख जरिवाना र ३ दिन कैद सजाय सुनाएको थियो । त्यस यता उनी फरार रहेकी थिइन्।
निजलाई आज असार १६ गते काठमाडौं टेकुबाट, पक्राउ गरि थप अनुसन्धानका लागि जिल्ला अदालत ललितपुरमा उपस्थित गराईएको हो ।
वि.सं.२०७९ असार १६ बिहीवार १३:४० मा प्रकाशित