काठमाडौं । विहीबार सेयर बजार हरियाली बनेको छ । आज बजर ७४.९३ अंकले वृद्धि भएको हो ।
साताको पाँचौं कारोबार दिन बजार परिसुचक पनि २०३७.६४ अंकको बिन्दुमा पुगेर बन्द भएको छ । आज सबै समूहहरु हरियाली बनेका छन् ।
उक्त दिन कारोबार रकममा पनि सुधार देखिएको छ । आज २ अर्ब ४५ करोड ८६ लाख १९ हजार रुपैयाँ बराबरको सेयर कारोबार भएको हो ।
उक्त दिन शिवम् सिमेन्टको सर्वाधिक सेयर कारोबार भएको छ । आज कम्पनीको ९ करोड ९५ लाख २० हजार रुपैयाँ बराबरको सेयर खरिदबिक्री भएको हो ।
कारोबार रकमको आधारमा दोस्रो स्थानमा रहेको हिमालयन डिस्टीलरीको ७ करोड ९७ लाख ६८ हजार रुपैयाँ बराबरको सेयर किनबेच भएको हो ।
वि.सं.२०७९ असार १६ बिहीवार १५:४४ मा प्रकाशित