काठमाडौं । विहीबार तीन कम्पनीको सेयर मूल्यमा सकरात्क सर्किट लागेको छ ।उक्त दिन नेपाल फाइनान्ससिहत तीन कम्पनीको सेयर मूल्य १० प्रतिशतले वृद्धि भएको हो ।
साताको पाँचौं कारोबार दिन नेपाल फाइनान्स कम्पनीको सेयर मूल्य १० प्रतिशत अर्थात प्रतिकित्ता २४ रुपैयाँ ९० पैसाले वृद्धि भएको हो । योसंगै कम्पनीको सेयर मूल्य २७३ रुपैयाँ ९० पैसा कायम भएको छ ।
उक्त दिन मैलुङ खोला जलविद्युत कम्पनीको सेयर मूल्यमा पनि सकरात्क सर्किट लागेको छ । आज कम्पनीको सेयर मूल्य १० प्रतिशतले बढेको हो । कम्पनीको सेयर मूल्य प्रतिकित्ता ४१ रुपैयाँ १० पैसाले बढेर ४५२ रुपैयाँ कायम भएको छ ।
यस्तै, आज न्यादी हाइड्रोपावरको सेयर मूल्य पनि १० प्रतिशतले वृद्धि भएको छ । आज कम्पनीको सेयर मूल्य प्रतिकित्ता ३२ रुपैयाँ ३० पैसाले बढेर ३५५ रुपैयाँ ३० पैसा कायम भएको छ ।
वि.सं.२०७९ असार १६ बिहीवार १५:४५ मा प्रकाशित