काठमाडौं । साताको दोस्रो कारोबार दिन सेयर बजार दोहोरो अंकले वृद्धि भएको छ । उक्त दिन बजार १८.०३ अंकले बढेको हो ।
बजार परिसुचक २०२९.४३ अंकको बिन्दुमा पुगेर बन्द भएको छ। आज कारोबार रकममा पनि बढोत्तरी देखिएको छ ।
आज १ अर्ब ३१ करोड २९ लाख ५९ हजार रुपैयाँ बराबरको ३१ ला ४२ हजार ४०२ कित्ता सेयर खरिदबिक्री भएको छ ।
सोमबार शिवम् सिमेन्टको सबैभन्दा बढी सेयर कारोबार भएको छ । आज कम्पनीको ९ करोड ३४ लाख ८१ हजार रुपैयाँ बराबरको सेयर खरिदबिक्री भएको हो ।
नेपाल स्टक एक्सचेञ्ज (नेप्से) का अनुसार आज कम्पनीको १ लाख २१ हजार ७९९ कित्ता सेयर किनबेच भएको हो । कम्पनीको सेयर मूल्य प्रतिकित्ता ७६५ रुपैयाँ कायम भएको छ ।
यस्तै, कारोबार रकमको आधारमा दोस्रो स्थानमा रहेको एशियन लाइफ इन्स्योरेन्स कम्पनीको ७ करोड ३९ लाख रुपैयाँ बराबरको सेयर किनबेच भएको छ।
आज कम्पनीको १ लाख २६ हजार ५९५ कित्ता सेयर खरिदबिक्री भएको छ । कम्पनीको सेयर मूल्य प्रतिकित्ता ५८६ रुपैयाँ रहेको छ ।
वि.सं.२०७९ साउन २ सोमवार १५:५० मा प्रकाशित
