काठमाडौं । साताको तेस्रो कारोबार दिन सेयरबजारमा दोहोरो अंकको बढोत्तरी भएको छ ।
आज नेप्से परिसूचक १६.२० अंकले बढेर २०४५ को विन्दुमा पुगेको छ । नेप्सेमा सूचीकृत २१३ कम्पनीको ५७ लाख १३ हजार २४८ कित्ता शेयर किनबेच हुँदा २ अर्ब २९ करोड ९३ लाख माथिको कारोबार भएको छ ।
नेप्सेमा रहेका १३ उपसूचकमा नै आज हरियाली छाएको छ । सर्वाधिक बीमा सूचक र माइक्रोफाइनान्स समूह चम्किएको छ ।
जीवन बीमा समूहको ८०.२२ रुपैयाँ र निर्जिबन बीमा समुहको ७२.६ रुपैयाँले बढेको छ । यस्तै, लघुवित्त समूहको पनि ८२.८३ रुपैयाँले बढ्न पुगेको छ ।
वि.सं.२०७९ साउन ३ मंगलवार १५:३३ मा प्रकाशित
