काठमाडौं । नेपाल इन्फ्रास्ट्रक्चर बैंकले गत आर्थिक वर्ष २०७८/७९ को चौथो त्रैमासिक वित्तीय विवरण सार्वजनिक गरेको छ ।
बैंकको वित्तीय विवरण अनुसार गत आवको असार मसान्तसम्ममा बैंकले १ अर्ब २ करोड ६१ लाख ११ हजार रुपैयाँ नाफा कमाउन सफल भएको छ । जुन अघिल्लो आवको सोही अवधिको तुलनामा भने २२.६३ प्रतिशतले बढी हो । अघिल्लो आवको चौथो त्रैमासमा बैंकले ८३ करोड ७४ लाख १० हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी पनि ४१.२० प्रतिशतले वृद्धि भई १ अर्ब ८८ करोड ६३ लाख २८ हजार रुपैयाँ कायम भएको छ । अघिल्लो वर्षको असार मसान्तसम्ममा बैंकको यो आम्दानी १ अर्ब ३३ करोड ५९ लाख ९ हजार रुपैयाा रहेको थियो ।
गत आवको असार मसान्तसम्ममा बैंकले संचालन मुनाफा पनि २३.१४ प्रतिशतले वृद्धि भई १ अर्ब ४६ करोड ५७ लाख ७२ हजार रुपैयाँ पुगेको छ । उक्त अवधिमा बैंकको वितरण योग्य मुनाफा पनि २२.६३ प्रतिशतले बढेर ८० करोड ८५ लाख ३२ हजार रुपैयाँ पुगेको छ ।
बैंकको चुक्ता पुँजी २१ अर्ब ६० करोड हजार रुपैयाँ रहेको छ । बैंकले जगेडा तथा कोषमा भने १ अर्ब ७३ करोड ७० लाख ४३ हजार रुपैयाँ राखेको छ ।
गत आवको असार मसान्तसम्ममा बैंकको प्रतिसेयर आम्दानी पनि झिनो बढेको छ । अघिल्लो आवको असार मसान्तसम्ममा ४ रुपैयाा १९ पैसा रहेको यो आम्दानी गत आवको सोही अवधिमा भने ४ रुपैयाँ ७५ पैसा कायम भएको छ ।
बेंकको प्रतिसेयर नेटवर्थ मा भने ८ रुपैयाँ ९६ पैसाको गिरावट देखिएको छ । गत आवको असार मसान्तसम्ममा बैंकको प्रतिसेयर नेटवर्थ १०८ रुपैयाा ४ पैसा कायम भएको छ ।
वि.सं.२०७९ साउन ६ शुक्रवार १०:५३ मा प्रकाशित
