काठमाडौं । साताको अन्तिम कारोबार दिन सुनको मूल्यमा बढोत्तरी देखिएको छ । शुक्रबार नेपाली बजारमा छापावाला सुनको भाउ तोलामा १ हजार रुपैयाँले वृद्धि भएको हो ।
विहीबार प्रतितोला ९३ हजार रुपैयाँमा कारोबार भएको सुन आज बढेर ९४ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आजका लागि तेजावी सुनको भाउ भने ९३ हजार ५ सय रुपैयाँ निर्धारण भएको छ । अघिल्लो दिन यो सुन ९२ हजार ५ सय रुपैयाँमा कारोबार भएको थियो ।
यस्तै, आज चादीको मुल्य पनि वृद्धि भएको छ । आज चाँदी तोलामा १० रुपैयाँले बढेर १ हजार १६५ रुपैयाँ कायम भएको छ । महासंघका अनुसार विहीबार भने १ हजार १५५ रुपैयाँ खरिदबिक्री भएको थियो ।
वि.सं.२०७९ साउन ६ शुक्रवार ११:०४ मा प्रकाशित
