काठमाडौं । मौद्रिक नीतिलाई सेयर बजारले स्वागत गरेको छ । साताको पहिलो कारोबार दिन सेयर बजारमा रौनकता देखिएको छ । आइतबार बजार ६१.०५ अंकले वृद्धि भएको छ ।
शुक्रबार आर्थिक वर्ष २०८९८० को मौद्रिक नीति सार्वजनिक भएको हो । मौद्रिक नीतिमा पुँजी बजारसंग सम्वन्धित केही सकरात्मक नीति आएकाले लगानीकर्ता उत्साहित बनेका छन् । मौद्रिक नीतिमा सेयर कर्जामा लागेको ४।१२ को सीमामा ४ खारेज तथा हेरफेर भएकाले लगानीकर्ता उत्साहित बनेका हुनु् ।
उक्त दिन बजार परिसुचक २०७८.५१ अंकको बिन्दुमा पुगेर बन्द भएको छ । आज सबै समूहहरु हरियाली बनेका छन् ।
उक्त दिन कारोबार रकममा पनि बढोत्तरी देखिएको छ । आज २ अर्ब ७३ करोड ९ लाख ३७ हजार रुपैयाँ बराबरको ६४ लाख २३ हजार १५६ कित्ता सेयर कारोबार भएको छ ।
आज सबैभन्दा बढी शिवम् सिमेन्टको सेयर कारोबार भएको छ । आज कम्पनीको ३९ करोड ७१ लाख ३१ हजार रुपैयाँ बराबरको सेयर खरिदबिक्री भएको हो ।
कारोबार रकमको आधारमा दोस्रो स्थानमा रहेको नेपाल पुनर्बीमा कम्पनीको ६ करोड ८२ लाख ९३ हजार रुपैयाँ बराबरको सेयर खरिदबिक्री भएको छ ।
यस्तै, उक्त दिन हिमालयन डिस्टीलरीको ६ करोड ८२ लाख ९३ हजार, एनआईसी एशिया बैंकको ६ करोड ५९ लाख ९१ हजार र अरुण काबेली पावरको ६ करोड १४ लाख १३ हजार रुपैयाँ बराबरको सेयर कारोबार भएको छ ।
वि.सं.२०७९ साउन ८ आइतवार १५:१५ मा प्रकाशित