काठमाडौं । साताको पहिलो कारोबार दिन तीन कम्पनीको सेयर मूल्यमा सकरात्क सर्किट लागेको छ ।
आइतबार सेन्ट्रल फाइनान्ससहित तीन कम्पनीको सेयर मूल्य १० प्रतिशतले वृद्धि भएको हो । उक्त दिन सेन्ट्रल फाइनान्सको सेयर मूल्य १० प्रतिशत अर्थात प्रतिकित्ता ३३ रुपैयाँ ५० पैसाले वृद्धि भएको हो । योसंगै कम्पनीको सेयर मूल्य आज ३६८ रुपैयाँ ५० पैसा कायम भएको छ ।
यस्तै, उक्त दिन समृद्धि फाइनान्स कम्पनीको सेयर मूल्यमा पनि सकरात्मक सर्किट लागेको छ । आज कम्पनीको सेयर मूल्य १० प्रतिशत अर्थात प्रतिकित्ता २२ रुपैयाँ ५० पैसाले बढेको हो । आज कम्पनीको सेयर मूल्य २४७ रुपैयाँ ५० पैसा कायम भएको छ ।
त्यसैगरि आज मल्टीप्रपस फाइनान्स कम्पनीको सेयर मूल्य पनि १० प्रतिशत अर्थात २५ रुपैयाँ १० पैसाले बढेर २७६ रुपैयाँ १० पैसा कायम भएको छ ।
वि.सं.२०७९ साउन ८ आइतवार १५:३० मा प्रकाशित
