काठमाडौं । नेपाल इन्स्योरेन्स कम्पनीले सम्वन्धित सेयरधनीहरुको हितग्राही खातामा बोनस सेयर जम्मा गरिदिएको छ ।
कम्पनीले गत जेठ ३० गते सम्पन्न ७३औं वार्षिक साधारण सभाबाट पारित भएको ११ प्रतिशत बोनस सेयर सम्वन्धित सेयरधनीहरुको हितग्राही खातामा जम्मा गरिदिएको हो ।
एक सूचना निकाल्दै कम्पनीले उक्त बोनस सेयर नेपाल स्टक एक्ससेञ्ज (नेप्से) र सिडिएस एण्ड क्लियरिङ्ग लिमिटेडमा सूचीकृत तथा दर्ता भई अभौतिक रुपमा कारोबार हुने व्यवसथ भईसकेको जनाएको छ ।
साथै जेठ १६ गतेसम्म सेयर अभौतिकीकरण गराउनुभएका कम्पनीको सेयरधनीहरुको बोनस सेयर सम्वन्धित सेयरधनीको हितग्राही खातामा जम्मा गरिएको र सो मिति पश्चात सेयर अभौतिकीकरण गराएका सेयरधनीहरुको हकमा क्रमशः बोनस सेयर जम्मा हुने बताइएको छ ।
हालसम्म पनि सेयर अभौतिकीकरण नगरेका सेयरधनीहरुले आफ्नो सेयर अभौतिकीकरण गराई आफ्नो बोनस सेयर समेत हितग्राही खातामा नै प्राप्त गर्न सकिने कम्पनीले जनाएको छ ।
विस्तृतका लागि हेर्नुहोस्, सूचना:
वि.सं.२०७९ साउन १० मंगलवार ११:१२ मा प्रकाशित