काठमाडौं । काठमाडौं उपत्यका अपराध अनुसन्धान ब्यूरो (सिआईबी)ले बैंकिङ्ग कसूर मुद्दामा फरार रहेका व्यक्तिलाई पक्राउ गरेको छ ।
प्रहरीले कास्की जिल्ला,पोखरा महानगरपालिका वडा नं. १७ घर भई हाल काठमाडौं जिल्ला , काठमाडौं महानगरपालिका वडा नं. १३, बाफल बस्ने निशा गुरुङ्लाई पक्राउ गरेको हो ।
उच्च अदालत पाटनले निजलाई बैंकिङ् कसूर तथा सजाय ऐन २०६४ बमोजिम २३ लाख १४ हजार २५० रुपैंया जरिवाना र पाँच दिन कैद सजायँ सुनाएको थियो । त्यस पछि उनी फरार रहेकी थिइन् ।
निजलाई साउन १० काठमाडौं टोखाबाट पक्राउ गरि अनुसन्धानका लागि जिल्ला अदालत काठमाडौंमा उपस्थित गराईएको हो ।
वि.सं.२०७९ साउन १० मंगलवार १६:३७ मा प्रकाशित
