काठमाडौं । दुई बैंकले ऋणपत्र निष्काशनका लागि अनुमति पाएका छन् । नेपाल धितोपत्र बोर्डले हिमालयन बैंक र बैंक आफ काठमाण्डूलाई ऋणपत्र निष्काशन गर्न अनुमति दिएको हो ।
हिमालयन बैंकले २५ लाख कित्ता ऋणपत्र निष्काशन गर्न अनुमति पाएको हो । अब बैंकले वार्षिक १०.५ प्रतिशत ब्याजदरमा आगामी ७ वर्षका लागि ऋणपत्र निष्काशन गर्नेछ ।
कम्पनीले कुल कित्तामध्ये १० लाख कित्ता सर्वसाधारणको लागि र भने बाँकी रहेको १५ लाख कित्ता ऋणपत्र व्यक्तिगत तबरबाट बिक्री गर्नेछ ।
बैंकको ऋणपत्र निष्काशनत तथा बिक्री प्रबन्धकमा नबिल इन्भेष्टमेण्ट बैंकिङ लिमिटेड रहेको छ ।
यस्तै, बैंक अफ काठमाण्डूले ११ लाख कित्ता ऋणपत्र निष्काशन गर्न बोर्डबाट अनुमति पाएको छ ।
बैंकले वार्षिक १०.५ प्रतिशत ब्याजदरमा आगामी ७ वर्षसम्मका लागि ऋणपत्र निष्काशन गर्नेछ ।
बैंकले कुल कित्तामध्ये ४ लाख ४० हजार कित्ता सर्वसाधारणको लागि बाँकी ६ लाख ६० हजार कित्ता व्यक्तिगत तबरबाट बिक्री गर्नेछ ।
बैंकको ऋणपत्र निष्काशन तथा बिक्री प्रबन्धकमा एनआईबीएल एस क्यापिटल लिमिटेड रहेको छ ।
वि.सं.२०७९ साउन १५ आइतवार १४:४४ मा प्रकाशित