काठमाडौं । साताको पहिलो कारोबार दिन सेयर बजारमा उछाल आएको छ । आइतबार बजार ५४.५८ अंकले वृद्धि भएको छ ।
उक्त दिन बजार परिसुचक नेप्से पनि २१९५.१० अंकको बिन्दुमा पुगेर बन्द भएको छ । आज फाइनान्स समूह ३१.९३ अंकले घटेको छ भने यी बाहेकका सबै समूहहरु हरियाली बनेका छन् ।
उक्त दिन कारोबार रकममा पनि बढोत्तरी देखिएको छ । आज ४ अर्ब ६० करोड ९९ लाख ७१ हजार रुपैयाँ बराबरको १ करोड १३ लाख ३९ हजार ४८६ कित्ता सेयर खरिदबिक्री भएको हो ।
आज शिवम् सिमेन्टसहित ४ कम्पनीको सर्वाधिक सेयर कारोबार भएको छ । आज सबैभन्दा बढी सेयर शिवम सिमेन्टको २१ करोड ३४ लाख १६ हजार रुपैयाँ बराबरको सेयर किनेबेच भएको छ ।
कारोबार रकमको आधारमा दोस्रो स्थानमा रहेको नेपाल टेलिकमको १५ करोड २३ लाख २० हजार रुपैयाँ बराबरको सेयर खरिदबिक्री भएको छ ।
यस्तै, उक्त दिन एशियन लाइफ इन्स्योरेन्सको ११ करोड ५४ लाख ७४ हजार र हिमालयन डिस्टीलरीको १० करोड ३७ लाख ७३ हजार रुपैयाँ बराबरको सेयर कारोबार भएको छ ।
वि.सं.२०७९ साउन १५ आइतवार १५:११ मा प्रकाशित
