काठमाडौं । नाडेप लघुवित्त वित्तीय संस्थाले ११ करोड बढी नाफा कमाएको छ ।
कम्पनीले सोमबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
विवरण अनुसार गत आवको चौंथो त्रैमासमा कम्पनीले ११ करोड ४० लाख ९६ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा भने २८.९६ प्रतिशतले कमी हो । अघिल्लो वर्षको असार मसान्तसम्ममा कम्पनीले १६ करोड ६ लाख १८ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी पनि १७.९५ प्रतिशतले घटेर ३९ करोड १० लाख १६ हजार रुपैयाँ कायम भएको छ ।
कम्पनीको संचालन मुनाफामा पनि ४७.७५ प्रतिशतको गिरावट देखिएको छ । अघिल्लो आवमा २४ करोड ९७ लाख २६ हजार रुपैयाँ रहेको कम्पनीको यो मुनाफा गत आवमा भने १३ करोड ४ लाख ९३ हजार रुपैयाँ कायम भएको छ।
कम्पनीको चुक्ता पुँजी ४८ करोड ५७ लाख ६० हजार रुपैयाँ रहेको छ । कम्पनीले जगेडा तथा कोषमा भने ३९ करोड २७ लाख ९ हजार रुपैयाँ राखेको छ ।
उक्त अवधिमा कम्पनीको खराब कर्जा पनि १.३८ प्रतिशतले वृद्धि भई ४.३७ प्रतिशत पुगेको छ ।
यस्तै, कम्पनीको प्रतिसेयर आम्दानी पनि ९ रुपैयाँ ५८ पैसाले घटेर २३ रुपैयाँ ४९ पैसा कायम भएको छ । कम्पनीको प्रतिसेयर नेटवर्थ भने १८० रुपैयाँ ८४ पैसा रहेको छ ।
वि.सं.२०७९ साउन १६ सोमवार १०:३७ मा प्रकाशित