काठमाडौं । महिला लघुवित्त वित्तीय संस्थाले १५ करोड बढी नाफा कमाएको छ ।
कम्पनीले प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले १५ करोड ९९ लाख रुपैयाा नाफा कमाएको छ । जुन अघिल्लो आवको तुलनामा भने ६१.४३ प्रतिशतले बढी हो । अघिल्लो आवको चौंथो त्रैमासमा कम्पनीले ९ करोड २९ लाख ८२ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी १५.९० प्रतिशतले बढेर २७ करोड ८७ लाख २६ हजार रुपैयाँ पुगेको छ ।
उक्त अवधिमा कम्पनीको संचालन मुनाफामा भने १८.७६ प्रतिशतले कमी आई ८ करोड ६१ लाख ८६ हजार रुपैयाँ कायम भएको छ ।
कम्पनीको चुक्ता पुँजी १४ करोड ७५ लाख रुपैयाँ रहेको छ । कम्पनीले जगेडा तथा कोषमा भने २९ करोड ८३ लाख ४० हजार रुपैयाँ राखेको छ ।
उक्त अवधिमा कम्पनीको खराब कर्जा पनि घटेर १.९१ प्रतिशत कायम भएको छ । कम्पनीको प्रतिसेयर आम्दानी ८ रुपैयाँ ७८ पैसाले वृद्धि भएको छ भने प्रतिसेयर नेटवर्थ ३०२ रुपैयाँ २६ पैसा रहेको छ ।
वि.सं.२०७९ साउन १७ मंगलवार १२:३० मा प्रकाशित