काठमाडौं । विभिन्न चार कम्पनीको सेयर मूल्य उच्च दरमा वृद्धि भएको छ । मंगलबार चार जलविद्युत कम्पनीहरुको सेयर मूल्यमा उछाल आएको हो ।
साताको तेस्रो कारोबार दिन बिन्ध्यावासिनी हाइड्रोपावरको सेयर मूल्य ९.९९प्रतिशतले वृद्धि भएको छ । कम्पनीको सेयर मूल्य प्रतिकित्ता ४० रुपैयाँ ६० पैसाले बढेर ४४७ रुपैयाँ १० पैसा कायम भएको छ ।
उक्त दिन सामलिङ्ग पावर कम्पनीको सेयर मूल्य पनि ९.९८ प्रतिशत अर्थात प्रतिकित्ता ५० रुपैयाँ ८० पैसाले वृद्धि भएको हो । योसंगै कम्पनीको सेयर मूल्य ५५९ रुपैयाँ ८० पैसा कायम भएको छ।
यस्तै, मंगलबार हिमाल दोलखा हाइड्रोपावरको सेयर मूल्य पनि उच्च दरमा वृद्धि भएको हो । आज कम्पनीको सेयर मूल्य ९.९७ प्रतिशत अर्थात प्रतिकित्ता २३ रुपैयाँ १० पैसाले बढेको छ । योसंगै कम्पनीको सेयर मूल्य २५४ रुपैयाँ ९० पैसा कायम भएको छ ।
त्यसैगरि आज रिभर फल्स पावरको सेयर मूल्य पनि ८.५३ प्रतिशतले वृद्धि भएको छ । कम्पनीको सेयर मूल्य प्रतिकित्ता २२ रुपैयाँले वृद्धि भई २८० रुपैयाँ कायम भएको छ ।
वि.सं.२०७९ साउन १७ मंगलवार १५:२३ मा प्रकाशित