काठमाडौं । शिखर इन्स्योरेन्स कम्पनीले ४० करोड बढी नाफा कमाएको छ ।
कम्पनीले सार्वजनिक गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ४० करोड १४ लाख ३९ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा २८.९२ प्रतिशतले बढी हो । अघिल्लो आवमा कम्पनीले ३१ करोड १३ लाख ६५ हजार रुपैयाँ नाफा कमाएको थियो ।
गत आवमा कम्पनीको खुद बीमाशुल्क १ अर्ब ३९ करोड १० लाख रुपैयाँ रहेको छ भने कुल बीमा शुल्क ५ अर्ब ९२ लाख २२ हजार रुपैयाँ रहेको छ । कम्पनीको कुल बीमाशुल्क आर्जन गत आवमा भने २६.१० प्रतिशतले बढी हो ।
कम्पनीले गत आवमा २ अर्ब १६ करोड ६६ लाख १६ हजार रुपैयाँ कुल दावी भुक्तानी गरेको छ । भुक्तानी हुन बाँकी दावी रकम भने २ अर्ब ४२ करोड ३६ लाख ३९ हजार रुपैयाँ रहेको छ ।
कम्पनीको चुक्ता पुँजी २ अर्ब २८ करोड ६० लाख ८१ हजार रुपैयाँ रहेको छ । कम्पनीले जगेडा तथा कोषमा भने ७० करोड ९७ लाख ९५ हजार रुपैयाँ राखेको छ ।
गत आवमा कम्पनीको प्रतिसेयर आम्दानी २१ रुपैयाँ ८ पैसा रहेको छ भने प्रतिसेयर नेवटर्थ २५४ रुपैयाँ ४ पैसा रहेको छ ।
वि.सं.२०७९ साउन ३० सोमवार १३:०८ मा प्रकाशित
