काठमाडौं । आज सेयर बजारमा उछाल आएको छ । साताको दोस्रो कारोबार दिन श्री इन्भेस्टमेन्ट फाइनान्सको सेयर मूल्य १० प्रतिशत अर्थात प्रतिकित्ता ३३ रुपैया ५० पैसाले वृद्धि भएको हो ।योसंगै आज कम्पनीको सेयर मूल्य ३६८ रुपैयाँ ५० पैसा कायम भएको छ ।
उक्त दिन मल्टिप्रपोज फाइनान्सको सेयर मूल्य पनि १० प्रतिशतले वृद्धि भएको छ । आज कम्पनीको सेयर मूल्य प्रतिकित्ता २८ रुपैयाँ २० पैसाले वृद्धि भई ३१० रुपैयाँ २० पैसा कायम भएको छ
यस्तै, आज राधी विद्युत कम्पनीको सेयर मूल्यमा पनि १० प्रतिशतले वृद्धि भएको छ । आज कम्पनीको सेयर मूल्य प्रतिकित्ता ५६ रुपैयाँ १० पैसाले बढेर ६१७ रुपैयाँ १० पैसा पुगेको छ ।
सोमबार रिभर्स फल्स पावर र पञ्चकन्या माइ हाड्रोपावर कम्पनीको सेयर मूल्यमा पनि सकरात्मक सर्किट लागेको हो । कम्पनीको सेयर मूल्य प्रतिकित्ता क्रमशः २७रुपैयाँ ७० पैसा र २३ रुपैयाँले बढेर ३०४ रुपैयाँ ९० पैसा र २५३ रुपैयाँ ९० पैसा पुगेको छ ।
त्यसैगरि आज अपर हेवाखोला हाइड्रोपावरको सेयर मूल्य पनि प्रतिकित्ता १५ रुपैयाँ ४० पैसाले वृद्धि भएको छ ।योसंगै कम्पनीको सेयर मूल्य १७० रुपैयाँ २० पैसा कायम भएको छ ।
उक्त दिन राष्ट्र उत्थान लघुवित्तको १०९ रुपैया, हिमालयन उर्जा विकास कम्पनीको २५ रुपैया, सेन्ट्रल फाइनान्स कम्पनीको ३० रुपैया ५० पैसा र गुर्खाज फाइनान्सको ५१ रुपैंयाले सेयर मूल्य वृद्धि भएको छ ।
वि.सं.२०७९ साउन ३० सोमवार १५:३४ मा प्रकाशित