काठमाडौं । रिलायन्स लाइफ इन्स्योरेन्स कम्पनीले १२ करोड बढी नाफा कमाएको छ ।
कम्पनीले मंगलबार सार्वजनिक गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले १२ करोड २१ लाख ३० हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा ७४.१० प्रतिशतले बढी हो । अघिल्लो आवमा कम्पनीले ७ करोड १ लाख ४६ हजार रुपैयाँ नाफा कमाएको थियो ।
गत आवमा कम्पनीले ३ अर्ब १८ करोड ३० लाख ७७ हजार रुपैयाँ कुल बीमाशुल्क आर्जन गरेको छ । कम्पनीको यो रकम अघिल्लो आवको तुलनामा भने २२.३० प्रतिशतले बढी हो ।
यस्तै, उक्त अवधिमा कम्पनीले ९४ करोड ८७ लाख ६६ हजार रुपैयाँ कुल दावी भुक्तानी गरेको छ । गत आवमा कम्पनीको भुक्तानी हुन बाँकी दावी रकम भने २६ करोड ४४ लाख ६१ हजार रुपैयाँ देखिएको छ । यो रकम आंशिक अवधि समाप्ती दावी सहित हो ।
कम्पनीको चुक्ता पुँजी २ अर्ब १० करोड रुपैयाँ रहेको छ । कम्पनीले जगेडा तथा कोषमा भने २१ करोड ५२ लाख १० हजार रुपैयाँ राखेको छ ।
यस्तै, कम्पनीको जीवन बीमा कोषमा ३ अर्ब ७५ करोड १६ लाख ६९ हजार र महाविपत्ति कोष जगेडामा ३ करोड ६१ लाख ९३ हजार रुपैयाँ राखेको छ ।
कम्पनीको प्रतिसेयर आम्दानी ५ रुपैयाँ ८२ पैसा र प्रतिसेयर नेटवर्थ ११९ रुपैयाँ ९७ पैसा रहेको छ ।
वि.सं.२०७९ साउन ३१ मंगलवार १४:२० मा प्रकाशित
