काठमाडौं । प्रभु बैंकले संस्थापक सेयर बिक्री गर्ने भएको छ । बैंकले संस्थापक समूहको ५० हजार कित्ता सेयर बिक्री गर्न लागेको हो ।
उक्त सेयर खरिदका लागि बैंकको विद्यमान संस्थापकहरुले आवेदन दिन सक्नेछन् । उक्त सेयर बिक्री मूल्य प्रतिकित्ता १४० रुपैयाँ तोकिएको छ ।
उक्त सेयर खरिदका लागि बैंकका विद्यमान संस्थापक सेयरधनीहरुले भदौ १७ गते कार्यालय समयभित्र बिक्री प्रबन्धक नबिल इन्भेष्टमेन्ट बैंकिङ्ग नक्साल काठमाडौंमा आईपुग्ने गरि गोप्य शिलबन्दी पेश गर्नुपर्नेछ ।
उक्त सेयर खरिदका लागि न्युनतम १० हजार कित्ताका लागि र अधिकतम सम्पूर्ण कित्ताका लागि आवेदन दिन सकिने बैंकले जनाएको छ ।
बैंकले यसअघि नै विद्यमान संस्थापक सेयरधनीहरुलाई प्राथमिकता दिई ३५ दिने सूचना समेत जारी गरिसकेको छ ।
वि.सं.२०७९ भदौ २ बिहीवार १२:२८ मा प्रकाशित
