काठमाडौं । बिहीबार सेयर बजार दोहोरो अंकले बढेको छ । अघिल्लो दिन झिनो अंकले घट्न पुगेको बजार २७.७२ अंकले वृद्धि भएको छ । उक्त दिन बजार परिसुचक नेप्से २०६८.४२ अंकको बिन्दुमा पुगेर बन्द भएको छ ।
उक्त दिन कारोबार रकममा पनि बढोत्तरी देखिएको छ । आज २ अर्ब ५ करोड ७९ लाख ८० हजार रुपैयाँ बराबरको ५१ लाख १ हजार २९० कित्ता सेयर खरिदबिक्री भएको हो ।
आज रिडी पावर कम्पनीसहित तीन कम्पनीको सर्वाधिक सेयर कारोबार भएको छ । आज सबैभन्दा बढी रिडी पावर कम्पनीको १० करोड ४३ लाख ५८ हजार रुपैयाँ बराबरको सेयर किनबेच भएको छ ।
कारोबार रकमको आधारमा दोस्रो स्थानमा रहेको अपी पावर कम्पनीको ७ करोड ८० लाख २६ हजार रुपैयाँ बराबरको सेयर खरिदबिक्री भएको छ ।
यस्तै, उक्त दिन शिबम सिमेन्टको ६ करोड ३ लाख ९४ हजार रुपैयाँ बराबरको सेयर कारोबार भएको छ ।
वि.सं.२०७९ भदौ २ बिहीवार १५:०५ मा प्रकाशित