काठमाडौं । खप्तड लघुवित्तको आइपीओमा २ अर्ब ४ करोड २२ लाख ४० हजार रुपैयाँ बराबरको आवेदन परेको छ ।
सीडीएसका अनुसार भदौ १२ गते आइतबार अन्तिम दिन साँझ ५ः०२ बजेसम्ममा १८ लाख ५० हजार १३२ जनाले २ करोड ४ लाख २२ हजार ४०० कित्ताका लागि आवेदन दिएका हुन् । यो मागभन्दा १६५.४९ गुणा बढी आवेदन हो ।
कम्पनीले सर्वसाधारणका लागि प्रतिकित्ता १०० अंकित मूल्यका १ लाख ३२ हजार कित्ता सेयर निष्काशन तथा बिक्री खुला गरेको थियो ।
कुल सेयरमध्ये २ हजार कित्ता कर्मचारीहरुका लागि, ६ हजार ६ सय कित्ता सामूहिक लगानी कोषहरुमा सुरक्षित गरिएको थियो भने बाँकी रहेको १ लाख २३ हजार ४०० कित्ता सर्वसाधारणका छुट्याएको थियो ।
कम्पनीको आईपीओमा न्यूनतम १० कित्तादेखि अधिकतम १ हजार ३२० कित्तासम्म आवेदन दिन सकिने व्यवस्था रहेको थियो ।
कम्पनीको आईपीओ निष्काशन तथा बिक्री प्रबन्धकमा प्रभु क्यापिटल लिमिटेड रहेको छ ।
क्रेडिट रेटिङ एजेन्सी केयर नेपालले खप्तड लघुवित्तलाई ‘केयर एनपी इस्यूअर रेटिङडबल बी माइनस’ प्रदान गरेको छ ।
जसले कम्पनीको दायित्व बहन गर्ने क्षमतामा मध्यम जोखिम रहेको जनाउँछ । केयर नेपालले सन् २०२२ अप्रिल ७ मा यो रेटिङ दिएको हो । यो रेटिङ सन् २०२३ अप्रिल ३ सम्म बाहल रहनेछ ।
वि.सं.२०७९ भदौ १३ सोमवार ०७:५२ मा प्रकाशित