काठमाडौं । सरकारले गाडी, मोटरसाइकल, मोबाइल र मदिरा आयातमा लगाएको प्रतिबन्ध फेरि बढाइएको छ ।
उद्योग वाणिज्य तथा आपूर्ति मन्त्रालयले भदौ १३ को राजपत्रमा सूचना प्रकाशित गरी यी वस्तुको आयात प्रतिबन्धको समय बढाएर असोज २८ असोजसम्म पुर्याएको छ ।
विदेशी मुद्रा सञ्चिति बढाउन भन्दै सरकारले गत वैशाख १४ गतेदेखि यी वस्तुहरुको आयातमा प्रतिबन्ध लगाउँदै आएको छ ।
यस्तै, सरकारले कुर्कुरे, कुर्मुरे जस्ता खाध्य बस्तु, ३२ इन्च माथिका टेलिभिजन, चुरोट तथा सूर्तिजन्य उत्पादन, हिरा, ३०० डलर माथिका मोवाइल फोन, तास र सबै प्रकारका खेलौना आयातमा लगाएको प्रतिबन्ध भने खुला गरेको छ ।
वि.सं.२०७९ भदौ १५ बुधवार १२:१९ मा प्रकाशित
