काठमाडौं । राष्ट्रिय वाणिज्य बैंकले शाखा कार्यालयका लागि घर बहालमा लिने भएको छ । बैंकले शाखा कार्यालयहरु स्थापनाका गर्नका लागि घर भाडामा खाजेको हो ।
बैंकले काठमाडौंको लाजिम्पाट, सुकेधारा, मंगलबजार र ग्वार्कोमा घर भाडामा खोजेको हो ।
यी स्थानहरुमा शाखा कार्यालयहरु स्थापनाका लागि मुख्यबजार क्षेत्रहरुमा रहेका मुलसडकसंग जोडिएका कम्तीमा २५०० सयदेखि ३००० हजार बर्गफिट क्षेत्रफल भएको पक्की घर बहालमा लिन खाजेको हो ।
घर बहालमा दिन इच्छुक घरधनीहरुले आजैका मितिदेखि १५ दिन भित्र आवश्यक विवरणहरु स्पष्ट खुलाई प्रस्तावित बहाल क्षेत्र तथा करसहितको मासिक बहाल रकम समेत उल्लेख गरि बैंकको केन्द्रीय कार्यालयमा प्रस्ताव पेश गर्नु पर्नेछ ।
प्रस्तावसंग भाडा दिने भवन रहेको स्थानको पूर्ण विवरण, भवनको स्वीकृत नक्सा, निर्माण सम्पन्न भएको प्रमाणपत्र, भाडामा दिन चाहेको क्षेत्रफल र फोटो लगायतका आवश्यक कागजात पेश गर्नुपर्ने छ ।
वि.सं.२०७९ भदौ १९ आइतवार ११:३४ मा प्रकाशित