काठमाडौं । सपोर्ट लघुवित्त वित्तीय संस्थाले बिक्रीमा ल्याएको संस्थापक सेयर किन्ने आज (भदौ २३ गते) अन्तिम दिन हो । कम्पनीले भदौ ९ गतेदेखि १३ हजार ७१५ कित्ता संस्थापक सेयर बिक्रीमा ल्याएको हो । आज कार्यालय समयसम्म मात्र यसमा आवेदन दिन सकिनेछ ।
सेयरको भाउ प्रतिकित्ता न्यूनतम ६५० रुपैयाँ तोकिएको छ । लगानीकर्ताले यसलाई न्यूनतम आधार मानेर दर रेट तोक्नुपर्नेछ ।
यसमा लघुवित्तका विद्यमान अन्य संस्थापक सेयरधनीको आवेदन नपरेको हुँदा अन्य व्यक्ति वा संघ संस्थाले पनि आवेदन दिन मिल्ने व्यवस्था गरिएको हो ।
सेयर खरिद गर्न इच्छुक जो कोही व्यक्ति तथा संघ संस्थाहरुले बिक्री प्रबन्धक आरबीबी मर्चेन्ट बैंकिङ लिमिटेड, टेकु , काठमाडौंमा गोप्य शिलबन्दी बोलपत्र आवेदन पेश गर्नुपर्नेछ ।
वि.सं.२०७९ भदौ २३ बिहीवार ०८:०१ मा प्रकाशित
