काठमाडौं। राष्ट्रिय वाणिज्य बैंकले २ अर्ब ५० करोड रुपैयाँ बराबरको ऋणपत्र निष्कासन गर्ने भएको छ। बैंकले २५ लाख कित्ता ऋणपत्र जारी गर्ने अनुमति माग्दै धितोपत्र बोर्डमा निवेदन दिएको हो।
कुल निष्कासन मध्ये १५ लाख कित्ता बैंकले व्यक्तिगत तरीकाले बाँडफाँड गर्नेछ। बाँकि १० लाख कित्ताका लागि सर्वसाधरणले आवेदन दिन सक्नेछन्।
बैंकले ऋणपत्र बापत वार्षिक १०.५ प्रतिशत ब्याज भुक्तानी गर्ने जनाएको छ। बैंकले ऋणपत्र निष्कासन तथा बिक्रि प्रबन्धकमा सानिमा क्यापिटललाई नियुक्त गरेको हो।
बैंकले ७ वर्ष अवधिको ऋणपत्र जारी गर्दैछ। २०८६ सालमा ऋणपत्र परिपक्क हुनेछ।
वि.सं.२०७९ भदौ २८ मंगलवार १७:४० मा प्रकाशित