काठमाडौं । अमेरिकी डलरको भाउ हालसम्मकै उच्च विन्दुमा पुगेको छ । नेपाल राष्ट्र बैंकका अनुसार मंगलबार १ डलरको भाउ (बिक्रीदर) १३० रुपैयाँ ९० पैसा कायम भएको छ । यस्तै, खरिददर पनि १३० रुपैयाँ ३० पैसा कायम भएको छ ।
यसअघि आइतबार १ डलरको भाउ (बिक्रीदर) १२९ रुपैयाँ ८९ पैसा कायम भएको छ । यस्तै, खरिददर पनि १२९ रुपैयाँ २९ पैसा कायम भएको छ ।
पछिल्लो समय डलरको तुलनामा भारतीय रुपैयाँ (भारु) पनि निरन्तर कमजोर बन्दै गएको छ । भारुसँग नेरुको स्थिर विनिमय दर कायम भएकाले भारु कमजोर हुँदा नेपाली रुपैयाँ पनि कमजोर हुने गर्छ ।
वि.सं.२०७९ असोज ११ मंगलवार ०७:४० मा प्रकाशित
