काठमाडौं । पोखरामा जारी नवौं राष्ट्रिय खेलकुदमा प्याराग्लाइडिङ तर्फका खेलाडीको मृत्यु भएपछि देशैभरिका प्याराग्लाइडिङ उडान बन्द गरिएको छ ।
नागरिक उड्डयन प्राधिकरणले नवौं राष्ट्रिय खेलकुदका क्रममा प्याराग्लाइडिङ दुर्घटनाबाट १ जना खेलाडीको मृत्यु भएपछि देशभरका प्याराग्लाइडिङ बन्द गर्ने निर्णय गरेको हो ।
प्राधिकरणले अब अर्को व्यवस्था नभएसम्म देशैभर प्याराग्लाइडिङ उडान बन्द गर्ने निर्णय गरेको हो । आइतबार बिहान मात्र पोखराको सराङकोटमा नवौं राष्ट्रिय खेलकुदका क्रममा प्याराग्लाइडिङ दुर्घटना भएको थियो ।
सो क्रममा त्रिभुवन आर्मी क्लबका खेलाडी निसिम थापाको मृत्यु भएको थियो ।
वि.सं.२०७९ असोज ३० आइतवार १६:५२ मा प्रकाशित