काठमाडौं । टिभिएस मोटर्सले काठमाडौंमा एक्सचेन्ज मेला सुरु गरेको छ । नेपालका लागि टिभिएसको आधिकारिक वितरक कम्पनी जगदम्बा मोटर्सले नामका बेजोड अनि अद्भुत एक्सचेन्ज मेलाको आयोजना गरेको हो ।
आज अर्थात असोज ३१ बाट सुरु भएको यो मेला कात्तिक ५ गतेसम्म चल्ने छ । यस मेलामा ग्राहकहरुले कुनै पनि ब्राण्डका पुरानो बाइक तथा स्कुटर एक्सचेन्ज गर्दा आर्कष्क छुट तथा उपहारहरु पाउने कम्पनीले जनाएको छ।
यस मेलामा सहभागी हुने ग्राहकले आफ्नो पुरानो बाइक तथा स्कुटर एक्सचेन्ज गरेर टिभिएसको मोटरसाइकल तथा स्कुटर लिन पाउने छन्। साथै बजार मुल्यांकनभन्दा ७ हजार रुपैयाँ बढी, नकिन्दै १ लाख र किन्दा १० लाखसम्मको नगद छुटको समेत व्यवस्था गरिएको छ।
यो योजनामा आकर्षक फाइनान्स अफर समेत रहेको कम्पनीले जनाएको छ। जस अन्तर्गत न्यूनतम २५ प्रतिशत डाउनपेमेन्ट गरी मासिक ४ हजार २७७ रुपैयाँको ईएमआईमा बाइक तथा स्कुटर लिन सकिन्छ।
यस बाहेक ग्राहकहरुले हेलमेट, बाइक कभर, र ब्यागजस्ता उपहार पनि प्राप्त गर्न सक्ने छन्।
जगदम्बा मोटर्स प्रालि नेपालमा टीभीएसका दूई पांग्रे सवारी साधनका लागि एक मात्र आधिकारिक वितरक हो । कम्पनीले नेपालभर १४० भन्दा बढी डिलरहरुको बलियो राष्ट्रव्यापी वितरण सञ्जालका साथ बिक्री–वितरण गरिरहेको छ ।
वि.सं.२०७९ असोज ३१ सोमवार १४:०१ मा प्रकाशित
