काठमाडौं । सानिमा बैंकले लाभांश वितरण गर्ने घोषणा गरेको छ। बैंक सञ्चालक समितिको कार्तिक ४ गते बसेको बैठकले आर्थिक वर्ष २०७८/ ७९ को मुनाफाबाट लाभांश प्रस्ताव गरेको हो ।
बैंकले गत आर्थिक वर्षको मुनाफाबाट हाल कायम चुक्ता पुँजी ११ अर्ब ३२ करोड ७३ लाख रुपैयाँको १० प्रतिशतले हुन आउने १ अर्ब १३ करोड २७ लाख रुपैयाँ बराबरको बोनस शेयर र ०.९८ प्रतिशत अर्थात ११ करोड १० लाख रुपैयाँ नगद लाभांश (कर सहित) प्रस्ताव गरेको हो ।
१० प्रतिशत बोनस शेयर वितरण पश्चात बैंकको चुक्ता पूँजी १२ अर्ब ४६ करोड रुपैयाँ पुग्नेछ । उक्त लाभांश नेपाल राष्ट्र बैंकको स्वीकृति पश्चात आगामी साधारण सभाले पारित गरेपछि शेयरधनीले पाउनेछन् ।
वि.सं.२०७९ कात्तिक ६ आइतवार ११:०४ मा प्रकाशित