काठमाडौं । एनएमबि बैंकले चालु आर्थिक वर्षको पहिलो त्रैमाससम्मको वित्तीय विवरण सार्वजनिक गरेको छ ।
प्रकाशित विवरण अनुसार बैंकको खुद नाफा १३.४३ प्रतिशतले घटेर ९० करोड ४१ लाख रुपैयाँमा झरेको छ । गत वर्षको यसैअवधिमा यसले १ अर्ब ४ करोड रुपैयाँ खुद नाफा कमाएको थियो ।
बैंकको वितरणयोग्य नाफा भने ३८७.११ प्रतिशतले बढेर २ अर्ब २३ करोड रुपैयाँ भएको छ ।
गत वर्ष यसको वितरणयोग्य मुनाफा ४५ करोड ८४ लाख रुपैयाँ मात्र रहेको थियो ।
असोज मसान्तसम्म आइपुग्दा खुद ब्याज आम्दानी ४४.४६ प्रतिशतले बढेको छ भने सञ्चालन नाफामा १२.१२ प्रतिशतले ह्रास आएको छ ।
बैंकको प्रतिसेयर आम्दानी ३ रुपैयाँ ६ पैसाले घटेर १९ रुपैयाँ ६९ पैसामा झरेको छ । गत वर्ष यसको प्रतिसेयर आम्दानी २२ रुपैयाँ ७५ पैसा रहेको थियो । यसको प्रतिसेयर नेटवर्थ १५१ रुपैयाँ ६ पैसा रहेको थियो ।
वि.सं.२०७९ कात्तिक ७ सोमवार १२:५१ मा प्रकाशित