काठमाडौं । ग्लोबल आइएमई बैंकले ४ आर्थिक वर्षको नगद लाभांश लिन सेयरधनीलाई आग्रह गरेको छ ।
कतिपय सेयरधनीले ४ वर्षअघिको नगद लाभांश लिन नआएपछि एक सूचना जारी गरेर लिन बोलाएको हो ।
बैंकले १ महिनाभित्र लाभांश बुझिलिन आग्रह समेत गरेको छ । अन्यथा सो रकम लगानीकर्ता संरक्षण कोषमा जम्मा हुने सूचनामा उल्लेख गरिएको छ ।
लाभांश लिन बाँकी सेयरधनीहरुको विवरण ग्लोबल आइएमई बैंक र यसको सेयर रजिष्ट्रारको वेवसाइटमा हेर्न सकिन्छ । यस्तै, बैंकले अहिलेसम्म नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न पनि भनेको छ । खाता अपडेट गरेपछि मात्र नगद लाभांश पाइने बैंकले जनाएको छ ।
बैंकले लाभांश लिन बाँकी सेयरधनीहरुले बैंकको रजिष्ट्रार ग्लोबल आइएमई क्यापीटल नक्साल, काठमाडौंमा सम्पर्क गर्न अनुरोध गरेको छ ।
वि.सं.२०७९ कात्तिक १७ बिहीवार ०८:११ मा प्रकाशित