काठमाडौं । केयर रेटिङ नेपाल लिमिटेडले लाभांश घोषणा गरेको छ । कम्पनीको कात्तिक १७ गते बसेको सञ्चालक समितिको बैठकले सेयरधनीहरुलाई २१.०५ प्रतिशत कर सहित लाभांश दिने घोषणा गरेको हो ।
साथै सो बैठकले मंसिर १५ गते छैठौं वार्षिक साधारण सभा पनि बोलाएको छ । सभा केयर रेटिङ नेपाल लिमिटेड, पाचौं तल्ला, स्टार मल पुतलीसडक, काठमाडौंमा दिउँसो ३ः१५ बजे सुरु हुनेछ। सभामा लाभांश प्रस्ताव पारित गर्ने एजेण्डा रहेको छ ।
साथै, सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव छ । त्यस्तै, आर्थिक वर्ष २०७९/८० का लागि लेखापरीक्षक नियुक्ति र पारिश्रमिक निर्धारण गर्ने अर्को एजेण्डा पनि छ ।
वि.सं.२०७९ कात्तिक २२ मंगलवार ०८:१८ मा प्रकाशित
