काठमाडौं । मेगा क्यापिटलले लाभांश प्रस्ताव गरेको छ । कम्पनीको कात्तिक ५ गते बसेको सञ्चालक समितिको बैठकले २४.५ प्रतिशत नगद लाभांश (कर सहित ) निर्णय गरेको हो ।
साथै सो बैठकले मंसिर १६ गते वार्षिक साधारण सभा बोलाएको छ । सभा फेयरफिल्ड बाई म्यारिओट, त्रिदेवी मार्ग, काठमाडौंमा दिउँसो साढे ३ बजेबाट सुरु हुनेछ ।
सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ । त्यस्तै, आर्थिक वर्ष २०७९/८० का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि छ ।
साथै, सभाले अन्य कुनै मर्चेन्ट बैंकसँग गाभ्ने, गाभिने वा प्राप्ति गर्न आवश्यक पर्ने सम्पूर्ण कार्य गर्न सञ्चालक समितिलाई अख्तियारी दिने विशेष प्रस्ताव पनि अनुमोदन गर्नेछ ।
वि.सं.२०७९ कात्तिक २४ बिहीवार १२:३९ मा प्रकाशित