काठमाडौं । आरएमडीसी लघुवित्त वित्तिय संस्था लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ ।
चालु आर्थिक वर्षको पहिलो त्रैमासमा लघुवित्तले १० करोड ८८ लाख ६३ हजार रुपैयाँ खुद नाफा आर्जन गरेको छ । लघुवित्तको उक्त नाफा गत आर्थिक वर्षको यसै अवधिको तुलनामा ५४.१६ प्रतिशले बढी हो ।
गत आर्थिक वर्षमा लघुवित्तले ७ करोड ६ लाख रुपैयाँ मात्र खुद नाफा आर्जन गरेको थियो । खुद ब्याज आम्दानी र सञ्चालन मुनाफा वृद्धि हुँदा लघुवित्तको नाफामा बढोत्तरी भएको हो ।
यस अवधिमा लघुवित्तको खुद ब्याज आम्दानी ३७.६६ प्रतिशत र सञ्चालन नाफा ५४.१६ प्रतिशतले बढेको छ । समीक्षा अवधिसम्ममा लघुवित्तको जगेडा कोषमा दुई अर्ब १७ करोड रुपैयाँ सञ्चित रहेको छ ।
लघुवित्तको चुक्ता पुँजी १ अर्ब २४ करोड १० लाख ६६ हजार रुपैयाँ रहेको छ भने वितरण योग्य मुनाफा ५ करोड ३२ लाख रुपैयाँ छ ।
चालु आर्थिक वर्षको पहिलो त्रैमासको वित्तिय विवरण अनुसार लघुवित्तको वार्षिक प्रतिशेयर आम्दानी ३५ रुपैयाँ ९ पैसा छ भने प्रतिशेयर नेटवर्थ २७५ रुपैयाँ ३० पैसा कायम भएको छ । लघुवित्तको मूल्य आम्दानी अनुपात २३.७७ गुणा बढी छ । ।
वि.सं.२०७९ कात्तिक २५ शुक्रवार ११:२६ मा प्रकाशित