काठमाडौं । नेपाल स्टक एक्सचेञ्ज (नेप्से) मा कुमारी बैंकको ऋणपत्र सूचिकृत भएको छ । बैंकको ३० लाख कित्ता ऋणपत्र नेप्सेमा सूचिकृत भएको हो ।
बैंकले १० वर्ष अवधिको ११ प्रतिशत व्याजदर भएको ‘केबिएल डिबेञ्चर २०८९’ नाममा प्रतिकित्ता १००० रूपैयाँ अंकित दरमा ३० लाख कित्ता ऋणपत्र निष्काशन गरेको थियो ।
कात्तिक २८ गते (आज) बैंक र नेप्सेबीच ऋणपत्र सूचीकरण सम्झौता भएको छ । कम्पनीको सेयर सम्झौता भएको दोस्रो दिन अर्थात भोलीबाट ऋणपत्र दोस्रो बजारमा कारोबार हुनेछ ।
वि.सं.२०७९ कात्तिक २८ सोमवार १३:१३ मा प्रकाशित