काठमाडौं । राधी विद्युत कम्पनी लिमिटेडले चालु आर्थिक वर्षको पहिलो त्रैमासको अपरिष्कृत वित्तीय विवरण प्रकाशित गरेको छ।
प्रकाशित विवरण अनुसार कम्पनीले २ करोड ५ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा १८.४७ प्रतिशत बढी हो।
गत आर्थिक वर्षको सोही अवधिसम्ममा कम्पनीले १ करोड ७३ लाख रुपैयाँ खुद नाफा कमाएको थियो।
समीक्षा अवधिमा कम्पनीको विद्युत बिक्री आम्दानी २.४५ प्रतिशत घटेको छ। कम्पनीको नाफा बढेसँगै प्रतिशेयर आम्दानी पनि बढेको छ।
समीक्षा अवधिमा कम्पनीको यस्तो आम्दानी १ रुपैयाँ ९८ पैसा बढेर १२ रुपैयाँ ७३ पैसा पुगेको छ।
असोज मसान्तसम्ममा कम्पनीको प्रतिशेयर नेटवर्थ १२८ रुपैयाँ २१ पैसा रहेको छ भने चुक्ता पूँजी ६४ करोड ६४ लाख रुपैयाँ रहेको छ ।
वि.सं.२०७९ कात्तिक ३० बुधवार ०८:१८ मा प्रकाशित