काठमाडौं । नेकपा एमाले केन्द्रीय लेखा आयोगका अध्यक्ष प्रा.डा. पुष्पराज कडेलले वाम एकताको प्रक्रिया शुरु गर्न आव्हान गर्नुभएको छ ।
चुनावी नतिजा आउँदै गर्दा आगामी सरकारको नेतृत्व र वाम एकताको प्रसंग शुरु भएको बेला अध्यक्ष कडेलले शुक्रबार आफ्नो फेसबुकमा एक स्टाटस लेख्दै तत्कालिन नेकपा सचिवालयका नेताहरुलाई १९ पन्ने आरोप पत्र फिर्ता लिएर, विगतका कमीकमजोरी महशुस गर्दै वाम एकताको प्रक्रिया शुरु गर्न आव्हान गर्नुभएको हो ।
उहाँले नेताहरुलाई भन्नुभयो “तपाईंहरुले छुँदैमा हरेक वस्तु सुन हुँदैन” भन्ने महशुस गर्नुहोस । “व्यक्तिगत रुपमा तपाईंहरुको हार वा जित जे भए पनि देशले हार्यो । १९ पन्ने आरोपपत्र फिर्ता लिनुहोस, सबैका कमिकमजोरी महशुस गर्नुहोस र वाम एकाताको प्रक्रिया शुरु गर्नुहोस ।”
वि.सं.२०७९ मंसिर ९ शुक्रवार १२:५५ मा प्रकाशित
