काठमाडौं । आज सेयर बजारमा गिरावट आएको छ । उक्त दिन सेयर बजार २.६२ अंकले घटेको हो ।
साताको चौथो कारोबार दिन नेप्से परिसुचक १८९७.०८ अंकको बिन्दुमा पुगेर बन्द भएको छ । आज सेयर बजार घट्दा अघिल्लो कारोबार दिनको तुलनामा कारोबार रकम पनि घटेको छ ।
उक्त दिन ७२ करोड ७८ लाख ७७ हजार रुपैंया बराबरको कारोबार भएको छ । आज नेप्सेमा सूचिकृत २४६ कम्पनीको २० लाख ८७ हजार ८७६ कित्ता सेयर किनबेच भएको छ । उक्त दिन नेप्सेमा रहेको ८ वटा उपसूचक राताम्मै भएको छ ।
वि.सं.२०७९ मंसिर २८ बुधवार १५:०४ मा प्रकाशित