काठमाडौं । बाराही हाइड्रोपावर पब्लिक लिमिटेडले निष्काशन गरेको आइपिओ बाँडफाँड भएको छ। कम्पनीको बिक्री प्रबन्धक एनआईबिएल एस क्यापिटलले आइतबार बिहान शेयर बाँडफाँड गरेको हो ।
कम्पनीको आईपिओमा १२ लाख ५८ हजार ४ सय २१ जनाले १ करोड ४३ लाख ५१ हजार ८ सय ३० कित्ताको लागि आवेदन दिएका थिए। जस मध्ये ६५ हजार ९ सय २७ जनाको आवेदन रद्द भएको छ ।
योग्य रहेका ११ लाख ९२ हजार ४ सय ९४ जनालाई गोलाप्रथामा समावेश गराएर आईपिओ बाँडफाँड गरिएको छ । माग भन्दा बढीको आवेदन परेकोले गोलाप्रथाबाट कम्पनीको आईपिओ बाँडफाँड गरिएको हो । जस अनुसार ५१ हजार ५ सय २२ जना आवेदकले मात्र कम्पनीको शेयर पाएका छन् । उनीहरुले १० कित्ताको दरले शेयर पाएका छन् । प्रकाशन भएपछि विभिन्न ४ तरिकाबाट नतिजा हेर्न सकिने छ ।
आईपीको नतिजा हेर्नका लागि
१. कम्पनीको वेबसाइट: https://barahihydropower.com.np/
२. बिक्री प्रबन्धको वेबसाइट : https://www.niblcapital.com/
३. मेरो शेयरको वेबसाइट : http://meroshare.cdsc.com.np/#/login
४. सिडिएसको वेबसाइट : http://iporesult.cdsc.com.np/
वि.सं.२०७९ पुस ३ आइतवार १०:४८ मा प्रकाशित